हामी सबैकाे संसारन्यूज

काठमाडौं । भोली (बुधबार) प्रतिनिधिसभाको बैठक बस्दैछ । बैठक दिउँसो १ बजेदेखि बस्ने गरी बोलाइएको संघीय संसद सचिवालयले जनाएको छ ।

संघीय संसद सचिवालयका महासचिव डा. भरतराज गौतमका अनुसार भोलीको बैठकमा प्रधानमन्त्री शेरबहादुर देउवाले थारु आयोगको तेस्रो प्रतिवेदन पेस गर्ने र शोक प्रस्ताव पेस गर्ने कार्यसूची तय भएको छ ।

बुधबार बस्ने बैठकको कार्यसूचीभित्र एमसीसीको विषय भने समेटिएको छैन् । आगामी बैठकमा एमसीसी टेबल गर्ने चर्चा चलेको थियो तर, सम्भावित कार्यसूचीमा उक्त विषयलाई समेटिएको छैन् । तथापी बैठक अघि बस्ने कार्यव्यवस्था समितिको बैठकले केही कार्यसूचीहरु थप गर्न सक्नेछ ।

सत्तारुढ गठबन्धनले एमसीसीलाई टेबुल गर्ने तयारी गरेको चर्चा भएपनि गठबन्धनभित्र हालसम्म उक्त विषयमा सहमति हुन सकेको छैन् । सभामुख सापकोटाले सर्वपक्षीय सहमति नखोजी एमसीसीलाई टेबुल गर्न नदिने अडान लिइरहेका छन् ।