हामी सबैकाे संसारन्यूज

काठमाडौं । लोकतान्त्रिक समाजवादी पार्टी नेपाल (लोसपा)ले स्थानीय निकायको निर्वाचन एकै चरणमा गर्ने सरकारको घोषणाप्रति आपत्ति जनाएको छ । बुधबार एक प्रेस विज्ञप्ति जारी गर्दै लोसपाले पदाधिकारीको कार्यकाल नसकिँदै चुनाव गरिनु असंवैधानिक भएको भन्दै आपत्ति जनाएको हो ।

लोसपाले सरकारले घोषणा गरेको वैशाख ३० को निर्वाचन नमान्ने बताएको छ । पार्टीका मधेश प्रदेश अध्यक्ष जितेन्द्र सोनलले बुधबार प्रेस विज्ञप्ति जारी गर्दै कुनै निर्वाचित प्रतिनिधिको विना कारण एक दिन पनि अधिकारबाट वञ्चित गर्न संविधानको मर्म र भावना विपरीत हुने भन्दै निर्वाचन आयोग र नेपाल सरकारको ध्यानाकर्षण गराएका छन्।