Sansar News
कास्की । गजल सन्ध्या पोखराद्वारा प्रदान गरिने गजल प्रतिभा सम्मान २०७८ वरिष्ठ गजलकार बूँद रानालाइ(Bud Rana)लाई प्रदान गरिने भएको छ।
नेपाली गजल साहित्यको क्षेत्रमा महत्वपूर्ण योगदान पुर्याउने गजलकारहरुलाई प्रदान गरिने गजल प्रतिभा सम्मानको राशी रु २१ हजार १ सय ११ रुपैयाँ रहेको छ। सन्ध्याले देशका विभिन्न ठाउँमा रहेर नेपाली गजलको बिकास ,बिस्तार र गुणस्तरीय लेखनमा सक्रिय गजलकारहरु मध्येबाट छनोट गरि यो सम्मान प्रदान गर्दै आएको छ।
बैशाखको दोस्रो साता शनिबार पोखरामा एक कार्यक्रमको आयोजना गरेर रानालाइ उक्त सम्मान प्रदान गरिने छ ।नेपाल प्रज्ञाप्रतिष्ठानका आजीवन सदस्य रानाका गजल, बालसाहित्य लगायतका कृतिहरु प्रकाशित छन् । कवि तथा समाजसेवी ढाका थापाले स्थापना गरेको दुइ लाख रुपैयाँको अक्षयकोष मार्फत गजलकार रानालाई सम्मान गर्न लागिएको गजल सन्ध्याका अध्यक्ष बसन्त बिनोद बताए। साहित्यकार रुपिन्द्र प्रभाबीको संयोजकत्वमा बनेको प्रतिभा छनोट समितिले यो निर्णय गरेको हो।
वि.सं.२०७८ चैत २८ सोमवार ०७:४८ मा प्रकाशित
