हामी सबैकाे संसारन्यूज

काठमाडौं । १९ दिनको लागि नियुक्त भएकी स–शस्त्र प्रहरी महिला संघकी अध्यक्ष श्रीमती ज्योती के.सीले प्रहरी मुख्यालय हलचोकको सरद भवनमा कोषको रकम दुरुपयोग गर्दै तामझाम सहित भव्य पाटीको आयोजना गरेकी छन् ।

गत चैत्र ३० गते उनी स–शस्त्र प्रहरी महिला संघको अध्यक्षमा १९ दिनका लागि नियुक्त भएकी थिईन् । अध्यक्ष हुने बित्तिकै उनले उक्त कार्य गरेकी हुन् ।

स–शस्त्र प्रहरी स्रोतले दिएको जानकारी अनुसार आफ्नो १९ दिने अध्यक्ष पदलाई दुरुपयोग गर्दै के.सीले कोषको रकमको दुरुपयोग गर्दै आफ्ना आसेपासेहरु जम्मा गरेर खुसि पार्ने प्रयत्न गरेकी हुन् ।

विगत ४ वर्षसम्म उनले स–शस्त्र प्रहरी महिला संघको कार्यसमितिलाई असहयोग गर्नुका साथै संघको कार्यालयमा पाइला समेत टेकेकी थिइनन् ।
नेपाल सरकारको उपसचिव समेत रहेकी के.सि. नारायणहिटी दरबार संग्रहालयको प्रमुख समेत हुन् भने स–शस्त्र प्रहरी महानिरिक्षक पुष्परमण के.सिकी श्रीमती समेत हुन् ।

संघको अध्यक्ष भएपछि उनी दरबार संग्रहालय जान समेत छोडेको स्रोतले बताएको छ ।

स–शस्त्र प्रहरी महिला संघले आयोजना गर्दै आएको सहयोगी तथा सृजनसिल कामलाई समेत पन्छ्यउँदै उनले कोषको रकम दुरुपयोग गर्दै पार्टीको आयोजना गरेकी हुन् ।

स–शस्त्र प्रहरी महिला संघमा स–शस्त्र प्रहरी महानिरिक्षकी श्रीमति अध्यक्ष हुने परम्परा छ ।
गत चैत्र ३० गते स–शस्त्र प्रहरी महानिरिक्षकमा पुष्परमण के.सि. नियुक्त भएपछि उनी संघको अध्यक्ष भएकी थिईन् । आइतबार उनको कार्यकाल सकिंदैछ ।

यस विषयमा के.सी.संग सम्पर्क गर्न खोज्दा सम्पर्क हुन सकेन ।