Sansar News
महेन्द्रनगर । कञ्चनपुरको दोधाराचाँदनी नगरपालिकाका मेयरमा नेकपा एमालेका उम्मेदवार किशोरकुमार लिम्बु विजयी भएका छन् ।
लिम्बु ७ हजार १०४ मत प्राप्त गर्दै मेयर पदमा विजयी भएका हुन् ।
लिम्बुका प्रतिद्वन्द्वी नेपाली कांग्रेसका उम्मेदवार गोपालदत्त भट्ट ६ हजार १७१ मत प्राप्त गरेका छन् ।
यसैगरी उपमेयरमा नेपाली कांग्रेसकी गंगादेवी जोशी विजयी भएकी छन् । गंगादेवीले ६ हजार ३६५ मत प्राप्त गरी विजयी भएकी हुन् ।
उनकी प्रतिद्वन्द्वी नेकपा एमालेकी खिमा चन्दले ५ हजार ८२२ मत प्राप्त गरेकी छन् ।
वि.सं.२०७९ जेठ ४ बुधवार १६:२१ मा प्रकाशित
