हामी सबैकाे संसारन्यूज

संखुवासभा । संखुवासभाको चैनपुर नगरपालिका १ मा सडक निर्माणका क्रममा खसेको सुख्खा पहिरोमा दुई मजदुर परिएर मृत्यु भएको छ ।

जिल्ला प्रहरी कार्यालय संखुवासभाका प्रमुख डिएसपी लालध्वज सुवेदीका अनुसार नगरपालिका १ को नुनढाकी सडकखण्डको निर्माणका क्रममा माथिबाट खसेको सुख्खा पहिरोमा पुरिएर ३५ वर्षीय रामकुमार राई र २० वर्षीय हेमराज मगर पुरिएका हु्न् ।

‘बिहान ११ बजेतिर पहिरो खसेको रहेछ । स्काभेटर बोलाएर उद्धार गर्ने क्रममा दुवैजनाको मृत अवस्थामा शब निकालिएको छ ।’ डिएसपी सुवेदीले भने । त्यहाँ अन्य ४–५ जना पनि काम गरिरहेका थिए तर उनीहरु भागेर ज्यान बचाउन सफल भएको डिएसपी सुवेदीले जानकारी दिए ।