काठमाडौं । सिटिजन्स बैंकले उदयपुरमा शाखा रहित बैंकिङ्ग सेवा विस्तार गरेको छ । बैंकले उदयपुर जिल्लाको त्रियुगा नगरपालिका-७ तोरीबारीमा आषाढ ६, गतेबाट ९५ औं शाखारहित बैंकिङ्ग सेवा प्राभरम्भ गरेको हो ।
सो स्थानमा सेवा संचालनका लागि स्थानीय व्यवसायी बाबुराम थापालाई व्यवसायिक प्रतिनिधि नियुक्त गरिएको बैंकले जनाएको छ ।
बैंकका अनुसार यस शाखा रहित बैंकिङ्गबाट निक्षेप संकलन, रकम भुक्तानी, कोष स्थानान्तरण, मोबाइल फोनको बिल भुक्तानी, उपयोगी सेवाहरुको रकम भुक्तानीलगायत बैंकले प्रदान गर्ने अन्य सेवाहरु उपलब्ध गराउने लक्ष्य राखिएको छ । बैंकले यस सेवाबाट ग्रामिण क्षेत्रमा बैंक प्रति उल्लेखिय विश्वास एंव बैंकिङ्ग सभ्यताको बिस्तार हुने अपेक्षा लिएको छ ।
बैंकले ग्राहकहरुको वित्तीय आवश्यकताहरु सुरक्षित तवरले प्रदान गर्ने अभिप्रायका साथ यस अघि नै कियोस्क, ई.के.वाई.सी. तथा नागरिक एपमार्फत अनलाइन खाता खोल्न सक्ने जस्ता सुबिधाको सुरुवात गरी सकेको जनाएको छ ।
वि.सं.२०७९ असार १० शुक्रवार १२:५९ मा प्रकाशित
