Sansar News
काठमाडौं । सरकारले प्रतिनिधिसभामा विचाराधिन रहेको नागरिकता सम्बन्धी विधेयक फिर्ता लिने निर्णय गरेको छ ।
मंगलबारको बसेको मन्त्रिपरिषद्को बैठकले संसदमा विचाराधिन रहेको नेपाल नागरिकता ऐन, २०६३ लाइ संशोधन गर्न बनेको नागरिकता विधेयक फिर्ता लिएर अर्को विधेयक दर्ता गर्ने निर्णय गरेको हो ।
तत्कालीन केपी शर्मा ओली नेतृत्वको सरकारले २०७५ साउन २२ गते संसदमा दर्ता गराएको उक्त विधेयकमा नेपाली पुरुषसँग विवाह गरेर आउने विदेशी महिलालाई तत्कालै नागरिकता दिने वा ७ वर्षपछि दिने भन्ने विषयमा विवाद रहेको छ ।
यसअघि संसदको राज्यव्यवस्था समितिले व्यापक छलफल गरी ‘बैवाहिक अंङ्गीकृत’ नागरिकताका सम्बन्धमा केही सकारात्मक परिमार्जनसहित पारित गर्ने निर्णय गरेको विषयलाई लत्याएर सरकारले फास्ट ट्रयाकबाट नागरिकता विधेयक पारित गर्न लागेको भन्दै विभिन्न क्षेत्रबाट विरोधका आवाज समेत उठेका थिए ।
वि.सं.२०७९ असार २१ मंगलवार २०:४५ मा प्रकाशित
