Sansar News
काठमाडौं । प्रतिनिधिसभाको उपसभामुखमा कांग्रेस सांसद पुष्पा भुसाल निर्वाचित भएकी छिन् । शुक्रबार भएको निर्वाचनमा पाँच दलीय गठबन्धनकी साझा उम्मेदवार बनेकी भुसालले एमालेकी उम्मेदवार विद्या भट्टराईलाई पराजित गरेकी हुन् ।
उपसभामुखमा निर्वाचित भुसालले १४८ मत प्राप्त गरिन् भने एमाले उम्मेदवार विद्या भट्टराईको पक्षमा भने ९३ मत पाइन ।
शुक्रबार प्रतिनिधि सभामा उपस्थित २४२ सांसदमध्ये १ जना सांसदले मतदान प्रक्रियामा सहभागी भएका थिएनन्।
तत्कालीन उपसभामुख डा. शिवमाया तुम्बाहाम्फेले राजीनामा दिएपछि अहिलेसम्म उपसभामुख पद रिक्त थियाे ।
भुसाल यसअघि २०७४ सालमा पनि उपसभामुखको उम्मेदवार बनेकी थिइन्। तत्कालिन समय नेकपा एमालेकी शिवमाया तुम्बाहाङ्फेले उनलाई हराएकी थिइन ।
२०२८ सालदेखि राजनीतिमा सक्रिय पुष्पाले कांग्रेसमा लामो समय महिला विभाग र कानुन विभागमा काम गरेकी थिइन्।
उनले कांग्रेस भातृ संगठन नेपाल महिला संघमा महासचिवको रुपमा समेत काम गरेकी थिइन्।
वि.सं.२०७९ असार ३१ शुक्रवार १६:५९ मा प्रकाशित
