Sansar News
काठमाडौं । सत्ता गठबन्धनको सिट बाँडफाँट कार्यदलको बैठक आज दिउँसो बालुवाटारमा बस्दैछ ।
मंसिर ४ गते हुने प्रदेश र प्रतिनिधिसभा निर्वाचनमा सिट बाँडफाँटका लागि गठन गरिएको कार्यदलको दोस्रो बैठक आज दिउँसो २ बजे बस्न लागेको हो ।
गत शुक्रबार बसेको सत्ता गठबन्धनको बैठकले प्रतिनिधिसभा र प्रदेशसभामा तालमेल गरेर जाने निर्णय गर्दै एकमुष्ट तालमेलको खाका बनाउन कार्यदल गठन गरेको थियो । सोहि कार्यदलको बैठक सोमबार पहिलोपटक बसेको थियो ।
कार्यदलमा कांग्रेसका महामन्त्री गगन थापा, कृष्ण सिटौला र ज्ञानेन्द्रबहादुर कार्की, नेकपा माओवादी केन्द्रबाट वर्षमान पुन र जनार्दन शर्मा,नेकपा एसका महासचिव बेदुराम भुसाल र प्रमेश हमाल, जसपाबाट रामसहायप्रसाद यादव र रकम चेम्जोङ, राष्ट्रिय जनमोर्चाबाट हिमलाल पुरी र आनन्द शर्मा रहेका छन् ।
वि.सं.२०७९ साउन २६ बिहीवार ०९:१५ मा प्रकाशित
