Sansar News
काठमाडौं । कुमारी बैंक र होटेल शिरीष प्रा.लि.बीच छुट सम्बन्धी सम्झौता भएको छ । बैंक र होटेलबीच बैंकका ग्राहकहरुलाई होटेल शिरीषले प्रदान गर्ने सेवाहरुमा विशेष छुट प्रदान गर्ने समझदारी भएको हो ।
उक्त सम्झौता अनुसार कपुरकोट नगरपालिका, वडा नम्बर ०३, सल्यानस्थित होटेल शिरीषमा बैंकका डेबिट/क्रेडिट कार्ड वाहकहरुले उक्त होटेलको सुविधा शुल्कमा १५% सम्मको छुट प्राप्त गर्न सक्नेछन् । बैंकले डिजिटल कारोबारमा ग्राहकहरूलाई प्रोत्साहन गर्नका निमित्त यस सहकार्य मार्फत होटेल शिरीषका विभिन्न सेवाहरुमा आकर्षक छुटको प्रावधान गरेको जनाएको छ ।
बैंकले आफ्ना देशव्यापी १९७ शाखा सञ्जाल, १९१ एटिएम, ४८शाखारहित बैंकिङ्ग ईकाई तथा २४ एक्सटेन्सन काउन्टरबाट अत्याधुनिक बैंकिङ्ग सुविधाहरु दिँदै आएको छ । साथै बैंकले आगामी दिनहरुमा अझ सुरक्षित, सरल, सुलभ तथा उत्कृष्ट सेवा प्रदान गर्न डिजिटल पूर्वाधार प्रविधि र क्षमतालाई सुदृढ पार्दै लगिने प्रतिबद्धता जनाएको छ ।
वि.सं.२०७९ साउन २६ बिहीवार १२:०१ मा प्रकाशित
