Sansar News
काठमाडौं । डा. बाबुराम भट्टराई अध्यक्ष रहेको नेपाल समाजवादी पार्टीका केन्द्रीय उपाध्यक्ष दानबहादुर चौधरी नेकपा एमालेमा प्रवेश गरेका छन् ।
डा. भट्टराईले पार्टीको पदाधिकारी घोषणा गरेको २ साता नबित्दै केन्द्रीय उपाध्यक्ष तथा पूर्वमन्त्री समेत रहेका चौधरी सोमबार एमालेमा प्रवेश गरेका हुन् ।
उपेन्द्र यादव अध्यक्ष र डा. भट्टराई संघीय परिषद् अध्यक्ष रहेको जनता समाजवादी पार्टी विभाजित भएपछि बाबुराम नेतृत्वको समाजवादी पार्टीमा लागेर संस्थापक उपाध्यक्ष बनेका चौधरीलाई पार्टी कार्यालय च्यासलमा पार्टीका अध्यक्ष केपी शर्मा ओली र महासचिव संकर पोखरेलले स्वागत गरेका थिए ।
२०५६ सालमा एमालेबाटै कपिलवस्तु २ बाट प्रतिनिधिसभामा निर्वाचन भएका चौधरी पुनः पुरानै पार्टीमा फर्किएका छन् ।
वि.सं.२०७९ भदौ ६ सोमवार १५:५१ मा प्रकाशित
