हामी सबैकाे संसारन्यूज

सेसेल्स । नेपाली नारीहरूको महान साँस्कृतिक पर्व हरितालिका तीज अफ्रिकी देश सेसेल्समा पनि विविध कार्यक्रम गरी मनाइएको छ ।

तीज पर्व २०७९ को पूर्वसन्ध्यामा गैरआवासीय नेपाली संघ, राष्ट्रिय समन्वय परिषद सिसेल्सको आयोजनामा भिन्नभिन्नै टापुहरुमा मनाइएको थियो ।

सेसेल्सको दोश्रो ठुलो टापू प्रास्लिनमा अगस्ट २१ तारिख तथा राजधानी समेत रहेको पहिलो ठुलो टापू माहेमा २८ तारिख मनाइएको थियो ।
सेसेल्सका विभिन्न टापूहरुमा कार्यरत नेपाली महिला तथा पुरुषहरूको उल्लेख्य उपस्थिति रहेको तीज विशेष कार्यक्रममा नेपाली नाचगान सहित नेपाली परिकारको व्यवस्था समेत गरिएको थियो ।

अभाव, आवश्यकता र बाध्यताले स्वदेशबाट टाढा बिदेशमा रहे पनि आफ्नो भाषा, साहित्य, संस्कृति र परम्पराबाट टाढा रहन सकिदैन भन्ने उदाहरण दिँदै विभिन्न चाड, पर्वहरुकै अवसरमा भए पनि नेपालीहरुबिच आपसी भेटघाट, रमाइलो र सुखदुःख बाड्न पाउँदा केहीक्षण भए पनि रमाउन पाएको भन्दै सहभागीहरुले खुसी व्यक्त गरेका थिए ।