हामी सबैकाे संसारन्यूज

पर्वत । बुटवलबाट पर्वत जान लागेकी पैँयु गाउँपालिका वडा न ४ यैङथोककी सितल पङगेनी जब घर पुगिन् । तब झोला खोल्दा सुनका गहना देखेर दंग परिन् ।

बुधबार बुटवलबाट पर्वत जान बसमा चढेकी पंगेनी जब बसबाट झरेर घर पुगेर छोराछोरीका लागि कपडा निकाल्न झोला खोलिन् तब झोलामा तिलहरी, सिक्री लगायतका गरगहना सहित अर्कैका कपडा देखेपछि आश्चर्यमा परिन् ।

‘मेरो झोलामा त बच्चाका कपडा बाहेक केही छैन् कसको झोला हो, कहा पुग्ने हुन मलाई केही थाह छैन् अब के आधारमा झोला बुझाइदिने ?’ उनले भनिन्, ‘उस्तै मन भएको भए राख्न पनि सक्थे तर अर्काको एक रुपैया खानु छैन् । त्यसैले जसरी भए पनि झोला सम्बन्धित व्यक्ति सम्म पु¥याइदिनु छ ।’

पंगेनीले पैँयु गाउँपालिका उपाध्यक्ष याम कुमारी रानालाई यसबारेमा जानकारी गराउँदै गहना जसको हो उ समक्ष पुर्याउन पाउ भन्दै सहयोग मागेकी छन् ।

उपाध्यक्ष रानाले पनि सुनका सम्बन्धीत धनीले आफ्नो सम्पर्क नम्बर ९८४६०८३७८६ मा फोन गरेर आफ्नो सामान भएको प्रमाणित गर्ने कागजात लिएर सम्पर्क गर्न अनुरोध गरेकी छन् ।

पंगेनीले बसमा खचाखच भिड रहेको र आफ्नो झोला पनि सोहि रंगको रहेकोले भुलवस सो झोला बोकेर झरेको बताएकी छन् ।