हामी सबैकाे संसारन्यूज

काठमाडौं । नेपाली कांग्रेसका महामन्त्री गगन कुमार थापाले आफ्ले काठमाडौं क्षेत्र नं ४ बाटै उम्मेदवारी दिने तयारी गरेको बताएका छन् ।

यसअघि कास्की क्षेत्र नं १ बाट आगामी प्रतिनिधिसभा निर्वाचनका लागि थापाले उम्मेदवारी दिने चर्चा चलेपछि उनले ट्विटमार्फत् स्पष्ट पार्दै आफूले ४ बाटै उम्मेदवारी दिने तयारी गरिरहेको बताएका छन् ।

‘कास्की क्षेत्र नं.१ मा पार्टीका साथीहरूले स्नेहपूर्वक चाहना राखेर प्रतिनिधिसभा सदस्य उम्मेदवारका लागि मेरो पनि नाम प्रस्तुत गर्नुभएकोमा त्यो सद्भावका लागि धन्यवाद ! मैले काठमाडौँ क्षेत्र नं.४ बाट नै मेरो उम्मेदवारीको तयारी गरिरहेको छु र स्वाभाविक रूपमा म उम्मेदवार हुने यहीँबाट हो ।’ महामन्त्री थापाले लेखेका छन् ।

कास्की क्षेत्र नं.१मा पार्टीका साथीहरूले स्नेहपूर्वक चाहना राखेर प्रतिनिधिसभा सदस्य उम्मेदवारका लागि मेरो पनि नाम प्रस्तुत गर्नुभएकोमा त्यो सद्भावका लागि धन्यवाद!
मैले काठमाडौँ क्षेत्र नं.४ बाट नै मेरो उम्मेदवारीको तयारी गरिरहेको छु र स्वाभाविक रूपमा म उम्मेदवार हुने यहीँबाट हो।

— Gagan Thapa (@thapagk) August 31, 2022

थापालाई कास्कीका कांग्रेस नेता तथा कार्यकर्ताले आफ्नो क्षेत्रबाट उम्मेदवार हुन आग्रह गरेका थिए । कास्कीमा कांग्रेस कास्कीका सचिव भानु ढकालमार्फत उनको आवेदन दर्ता गरिएपछि थापाले यस्तो यस्तो प्रष्टीकरण दिएका हुन् ।

काठमाडौं–४ सँगै कास्की–१ बाट पनि गगन थापाको उम्मेदवारी लागि आवेदन