Sansar News
काठमाडौं । मासिक ३ लाख रुपैयाँ तलबसहित जापानमा रोजगारी लगाइदिन्छु भनेर ठगी गरेको आरोपमा एक महिला पक्राउ परेकी छन्
मोरङको रतुवामाई नगरपालिका–९ घर भई हाल ललितपुर बालकुमारी बस्ने ३८ वर्षीया मिना सुब्बालाई आइतबार प्रहरीले पक्राउ गरेको हो । ।
जापानको प्रतिष्ठित होटलमा मासिक ३ लाख रुपैयाँसम्म तलब हुने गरी काममा लगाइदिने प्रलोभनमा पारी पीडितबाट १३ लाख रुपैयाँ लिएर सम्पर्क विहीन भएकी सुब्बालाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले काठमाडौंको सुविधानगरबाट पक्राउ गरेको हो ।
उनलाई थप अनुसन्धान तथा कारवाहीको लागि वैदेशिक रोजगार विभाग बुद्धनगर काठमाडौंमा पठाइएको प्रहरीले जनाएको छ । file photo
वि.सं.२०७९ भदौ २० सोमवार १३:१८ मा प्रकाशित
