हामी सबैकाे संसारन्यूज

काठमाडौं । पर्यटनमन्त्री जीवनराम श्रेष्ठलाई लाइनमा बस्न लगाएकोमा प्रहरी हिरासतमा रहेका सुरक्षा गार्ड शेरजंग गुरुङलाई रवि लामिछानेले भेटेका छन् ।

राष्ट्रिय स्वतन्त्र पार्टीका अध्यक्ष समेत रहेका लामिछानेले गुरुङलाई भेटेर आएपछि गुरुङलाई स–सम्मान रिहा गर्न, पुरस्कृत गर्न तथा कानुन नमानेको अभियोगमा मन्त्री श्रेष्ठमाथि अनुसन्धान गर्न माग गरेका छन् ।

‘प्रहरी हिरासतमा रहेका शेरजंग गुरुङसँग भेटेर उहाँलाई धन्यवाद दिएर आएको छु । कानुन सबैलाई बराबर हुन्छ । शेरजंगजी भन्नु हुन्छ “गुरुङको छोरो आवाज अलि ठूलो भयो होला तर मैले कुनै दुव्र्यवहार गरेको छैन । मन्त्री भन्ने मलाई थाहा पनि भएन थाहा भए पनि डिउटी त गर्नै पर्यो ।’ यदि उहाँको भनाइ सत्य हो भने उहाँलाई थुनामा राख्ने होइन ससम्मान रिहा गरियोस् । दण्डित होइन पुरस्कृत गरियोस् । नियम मिचेर लाइन नबस्ने मन्त्रीलाई चाहिँ कानुन नमानेको अभियोगमा अनुसन्धान गरियोस् ।’ लामिछानेले भनेका छन् ।

ठमेलस्थित छाया सेन्टरमा आवेदन दिन पुगेका मन्त्री श्रेष्ठलाई गुरुङले लाइनमा बस्न भनेपछि मन्त्रीमाथि अभद्र व्यवहार गरेको आरोपमा गुरुङ हाल प्रहरी हिरासतमा रहेका छन् ।