Sansar News
काठमाडौं । नेपालमा कोरोनाबाट थप ११० जना संक्रमित भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ३,८२७ नमुना परीक्षणमा ११० संक्रमित थपिएका हुन् ।
आज थपिएका ११० जनासँगै नेपालमा हालसम्म कोरोना संक्रमित हुनेको संख्या ९ लाख ९९ हजार १८१ पुगेको छ भने आज निको भएका १२६ जनासँगै हालसम्म ९ लाख ८५ हजार १०३ जना निको भइसकेका छन् ।
त्यस्तै पछिल्लो २४ घण्टामा कोरोनाबाट १ जनाको मृत्यु भएको छ । आज मृत्यु भएका एकजनासँगै नेपालमा हालसम्म १२ हजार १६ जनाले ज्यान गुमाइसकेका छन् ।
त्यस्तै नेपालमा हाल २०६२ जना सक्रिय संक्रमित रहेका छन् । तीमध्ये १ हजार ९९९ जना होम आइसोलेशनमा, ६३ जना संस्थागत आइसोलेशनमा तथा २० जना आइसीयुमा रहेका छन् भने भेन्टिलेटरमा उपचार गराउनेको संख्या शून्य रहेको छ ।
वि.सं.२०७९ भदौ ३१ शुक्रवार १७:४० मा प्रकाशित
