Sansar News
काठमाडाैं । अन्तर्राष्ट्रिय बजारमा कच्चा तेलको मूल्य घटेको छ । आइतवार नेपालले इण्डियन आयल कर्पोरेसन (आइओसी)सँग खरिद गर्ने ब्रेन्ट कच्चा तेलको मूल्य प्रतिब्यारल ८६.१५ डलरमा झरेको छ । यो मूल्य पछिल्लो आठ महिनाकै कम हो ।
अमेरिकी डलरको मूल्य बढ्दै गएका कारण अन्तर्राष्ट्रिय बजारमा कच्चा तेलको मूल्य घट्दै गएको हो । नेपाली रुपैयाँको मूल्य डलरको तुलनामा अहिलेसम्मकै कमजोरसमेत भएको छ । आइतवार एक डलर किन्न नेपाली रुपैयाँ १२९.८९ रुपैयाँ खर्च गर्नुपर्छ ।
पछिल्लो समय कच्चा तेलको मूल्य घट्दै जान थालेको छ । रसिया–युक्रेन युद्धका कारण बढ्दै गएको यस्तो कच्चा तेलको मूल्य २५ जेठमा उच्च बिन्दुमा (१२२.११ डलर) प्रति ब्यारल पुगेको थियो ।
अहिले कच्चा तेलको मूल्य प्रतिब्यारल ३५.९६ डलरले घटेको छ । अन्तर्राष्ट्रिय बजारमा कच्चा तेलको मूल्य घटिरहे पनि नेपालमा भने घटेको छैन ।
वि.सं.२०७९ असोज ९ आइतवार १४:४५ मा प्रकाशित
