Sansar News
काठमाडौं । मनास्लुको हिम पहिरोमा हराइरहेकी विश्वविख्यात स्की आरोही अमेरिकन नागरिक हिलारी नेल्सन मृत अवस्थामा भेटिएकी छन् ।
मनास्लु हिमालमा स्की गर्ने क्रममा भिमाथाङ क्षेत्रबाट हराएकी नेल्सनलाई खोज्न शेर्पाहरुको टोली परिचालन गरिएको थियो । खोजीका क्रममा मृत भेटिएकी नेल्सनलाई हेलिकप्टरमार्फत् काठमाडौं ल्याइदैं छ ।
सांग्रिला नेपाल ट्रेकमार्फत् मनास्लु आरोहणमा गएकी ४९ वर्षीया नेल्सन स्की गरेर फर्किने क्रममा २ हजार फिट गहिरो खोंचमा परेकी थिइन् ।
उत्तरी गोरखाको मनास्लु हिमालको तेस्रो आधार शिविरमा सोमबार बिहान गएको हिमपहिरामा परी १२ जना बेपत्ता भएका थिए । ति मध्ये १० जनाको सकुशल उद्धार गरिएको थियो भने सङ्खुवासभाका अनुप राई र नेल्सनको मृत्यु भएको हो । file photo
मनास्लु हिमपहिरा : एक जनाको मृत्यु, १० को सकुशल उद्धार
वि.सं.२०७९ असोज १२ बुधवार १२:४९ मा प्रकाशित
