हामी सबैकाे संसारन्यूज

काठमाडौं । चालु आर्थिक वर्ष २०७९/८० को पहिलो तीन महिनामा वाणिज्य बैंकहरुको ब्याज आम्दानीमा बृद्धि भएको छ । सार्वजनिक तथ्याङ्अनुसार चालु आबको पहिलो त्रैमासमा बैंकहरुले ४६ अर्ब ४४ करोड रुपैंया खुद ब्याज आम्दानी गरेका हुन् । त्यसमध्ये सबैभन्दा बढी आम्दानी गर्नेमा नबिल बैंक रहेको छ । उसले पहिले त्रैमासमा करिब तीन अर्ब ६८ करोड ब्याज आम्दानी गरेको छ ।

गत आर्थिक बर्ष २०७८/७९ को सोहि अबधिमा बैंकहरुले ३३ अर्ब ९९ करोड मात्र ब्याज आम्दानी गरेका थिए । गत बर्षको तुलनामा चालु आर्थिक वर्षको पहिलो त्रैमासमा गरेको ब्याज वापतको आम्दानी निकै नै धेरै हो ।

बैंकहरुले खर्च गर्ने आम्दानीको मुख्य श्रोत बैंकमा जम्मा भएको रकमलाई कर्जाको रुपमा प्रवाह गरेर हुने आम्दानी हो । चालु आर्थिक बर्षमा बैंहरुले कर्जा र व्याजको अन्तर(स्प्रेडदर) बढाएका छन् । स्प्रेडदर बढाएका कारण पनि बैंकहरुको आम्दानीमा बृद्धि भएको सहजै अनुमान गर्न सकिन्छ ।

तरलता अभाव भएर बैंक तथा वित्तिय संस्थामा चाप पर्दा ब्याजदरमा बृद्धि भएको छ । ब्याजदरमा बृद्धि भएका कारण कर्जाबाट असुल हुने ब्याजमा बृद्धि हुँदा बैंकहरुको आम्दानी पनि बढेको हो ।

बैंकहरुले प्रकाशित गरेको तथ्याङ्कअनुसार बैंकहरुसँग लगानी योग्य रकमको भने अझै पनि अभाव नै देखिएको छ । यस्तो अबस्थामा पनि आम्दानी बढ्नु भनेको ब्याजदरमा भएको बृद्धि नै हो ।

विगत केही वर्ष अघिदेखिकै तथ्याँक हेर्दा पनि चालु आबमा खुद ब्याज आम्दानीमा राम्रो बृद्धि भएको देखिन्छ। आर्थिक वर्ष २०७७/७८ को पहिलो त्रैमासमा बैंकहरुको खुद ब्याज आम्दानी ३० अर्ब २६ करोड रुपैयाँ थियो भने आर्थिक वर्ष २०७६/७७ को पहिलो त्रैमासमा पनि ३१ अर्ब ३७ करोड रुपैयाँ मात्रै थियो।

गत आर्थिक वर्षको पहिलो त्रैमासमा ३३ अर्ब ९९ करोड रुपैयाँ मात्रै खुद ब्याज आम्दानी गरेका बैंकहरुले चालु आर्थिक वर्षमा भने निकै धेरै ब्याज आम्दानी गरेको देखिएको छ। गत आर्थिक वर्षको तेस्रो त्रैमासदेखि नै बैंकहरुको खुद ब्याज आम्दानी भने बढीरहेको देखिएको छ। गत आर्थिक वर्षको दोस्रो त्रैमासमा ३१ अर्ब १२ करोड रुपैयाँ खुद ब्याज आम्दानी गरेका बैंकहरुले तेस्रो त्रैमासमा ३८ अर्ब ४४ करोड र चौथो त्रैमासमा ४६ अर्ब ८६ करोड रुपैयाँ खुद ब्याज आम्दानी गरेका छन्।

कुन बैंकको आम्दानी कति ?