Sansar News
काठमाडौं । पत्रकार सरोजराज अधिकारी होटलमा मृत भेटिएका छन् ।
सुन्धारामा रहेको सिद्धार्थ होटलको कोठाभित्र उनी मृत अवस्थामा फेला परेको काठमाडौंका प्रहरी प्रमुख एसएससपी भरत बोहराले जानकारी दिएका छन् ।
अधिकारीकी श्रीमतीले उनी हराएका निवेदन प्रहरीमा दिएपछि प्रहरीले अनुसन्धान क्रममा उनको फोन ट्र्याकिङ गर्दै जाँदा उनी होटलको कोठामा मृत भेटिएको प्रहरीले जनाएको छ ।
अनुसन्धानका क्रममा फोन ट्रयाकिङ गर्दा उनी कात्तिक २१ गते स्कुटरमा चढेर सिद्र्धाथ होटलमा पसेको पाइएको प्रहरीले जनाएको छ ।
आफन्त र श्रीमतीसहित होटलमा प्रहरी पुग्दा कोठाको ढोका बन्द रहेको र कोठा फोरेर हेर्दा उनी मृत अवस्थामा फेला परेका थिए ।
प्रारम्भिक अनुसन्धानका क्रममा उनले आत्महत्या गरेको देखिए पनि अन्य पाटोबाट पनि अनुसन्धान भइरहेको प्रहरीले जनाएको छ ।
अधिकारीले पत्रकारितासँगै जासुसीको जालो, रुपबजारकी नोरा, चक्रव्युहमा चन्द्रसुर्य र धम्बोजी नामक उपन्यास प्रकाशित छन् ।
वि.सं.२०७९ कात्तिक २३ बुधवार २०:५५ मा प्रकाशित
