हामी सबैकाे संसारन्यूज

काठमाडौं । नेपाली कांग्रेसका महामन्त्री गगन कुमार थापाले गठबन्धन टुटेको सबै दोष पार्टीका सभापति देउवाले लिनुपर्ने बताएका छन् ।

पोखरामा जारी नेपाली साहित्य महोत्सवलाई सोमबार सम्बोधन गर्दै सभापति देउवाले महत्वपूर्ण निर्णहरुमा संसदीय दलका पदेन सदस्य आफू र अर्का महामन्त्री विश्वप्रकाश शर्मा दुवैसँग दे एकपटक पनि सल्लाह नगरेको बताए ।

‘हिँजोको घटनाका विषयमा, म बिहान ६ बजेदेखि मेरो फोन खोलेर पूरा समय मेरो पार्टी सभापतिको फोन कतिखेर आउछ भनेर कुरेर बसेको हुँ । म नेपाली कांग्रेसको महामन्त्री हुँ । म अहिले सांसद पनि हुँ । पार्टीको विधानका हिसाबले दुईजना महामन्त्री संसदीय दलको हामी पदेन सदस्य हो,’ थापाले भने, ‘मैले समाचारमा के पढे भने, मेरो पार्टी सभापतिले ‘पहिले पार्टीभित्र छलफल गर्छु, त्यसपछि गठबन्धन दलको बैठकमा अन्तिम निर्णय गर्छु ।’ त्यो पार्टीभित्र म पनि अनिवार्य पर्छु । तर, पार्टी कार्यालयमा भएको छलफल होइन, घरमा हो । घरमा नबोलाइकन जानेकुरा भएन । म बोलाइनेमा पर्छु भनेर टेलिफोन कुरेर टिकट सार्दै बसे । तर म यहाँ आउनेबेलामा अपमानित भएर आएको हुँ ।’

उनले नेपाली कांग्रेस फेरि राइज भएर उठ्ने र उठाउने बताए । उनले पार्टीको प्रतिष्ठालाई बनाएर अगाडि बढाउने बताउँदै एकछिनको हारजितको कुरामा आफुहरु नअल्मलिने समेत बताए ।