Sansar News
काठमाडौं । कर्णाली प्रदेशका मुख्यमन्त्री राजकुमार शर्माले विश्वासको मत पाएका छन् ।
शुक्रबार दिउँसो बसेका कर्णालीे प्रदेश सभाको बैठकमा शर्माले आफ्नो पार्टीसहित ४ दलका २५ सांसदहरुबाट विश्वासको मत पाएका हुन् ।
शर्माले आफ्नो पार्टीको १३, एमालेको ९, राप्रपा १, एकिृकत समाजवादी १ र स्वतन्त्र सांसद देवराजसहित २५ जनाबाट विश्वासको मत प्राप्त गरेका हुन् ।
त्यसैगरी प्रदेश सभामा रहेका नेपाली कांग्रेसका १४ सांसदले विपक्षमा मतदान गरेका छन् । केन्द्रमा कांग्रेसले प्रधानमन्त्री प्रचण्डलाई विश्वासको मत दिएपनि प्रदेशमा भने त्यस्तो हुन् सकेन । कांग्रेसका सांसदहरुले विश्वासको मत दिँदा सभामा शसक्त रुपमा विपक्षीको भूमिका पूरा गर्न नसकिने भन्दै विपक्षमा मतदान गरेको बताइएको छ ।
गत २७ पुसमा मुख्यमन्त्रीमा नियुक्त भएका शर्मा माओवादी केन्द्रका पोलिटव्युरो सदस्य समेत हुन् ।
सत्ता गठबन्धन दलबीच कर्णाली प्रदेशमा माओवादीले पाँचवर्ष मुख्यमन्त्री चलाउने सहमति भएपनि उक्त सहमतिलाई सच्याउँदै पहिलो कार्यकाल माओवादी केन्द्रका शर्मा र पछिल्लो कार्यकाल एमालेका नेता यमलाल कँडेलले मुख्यमन्त्री चलाउने सहमति भएको छ ।
वि.सं.२०७९ माघ ६ शुक्रवार १६:१४ मा प्रकाशित
