Sansar News
काठमाडौं । कृषि विकास बैंकको प्रमुख कार्यकारी अधिकृत (सिइओ) मा गोविन्द गुरुङ नियुक्त भएका छन् ।
बैंक सञ्चालक समितिले शनिबार चार वर्षका लागि लमजुङका गुरुङलाई नियुक्त गरेको हो ।
गुरुङसँग हिमालयन बैंक, ग्लोबल बैंक, सिभिल बैंक लगायत विभिन्न बैंकमा २६ वर्ष काम गरेको अनुभव छ ।
बैंकका सिइओ अनिल उपाध्यायको कार्यकाल सकिएपछि खाली रहेको सिइओ पदमा खुला प्रतिस्पर्धाबाट आवेदन माग गरिएको थियो । जसमा गुरुङसहित २२ जनाले आवेदन दिएका थिए । जसमध्ये पाँचजनाको नाम बैंकले सर्ट लिस्टमा राखेको थियो ।
वि.सं.२०७९ फागुन ७ आइतवार १२:१४ मा प्रकाशित
