Sansar News
काठमाडौं । नेपाली कांग्रेसले वरिष्ठ नेता रामचन्द्र पौडेललाई राष्ट्रपतिको उम्मेदवार बनाउने निर्णय गरेको छ ।
शनिबार बिहान बसेको कांग्रेस कार्य सम्पादन समितिको बैठकले पौडेललाई उम्मेदवार बनाउने निर्णय गरेको हो ।
कार्यसम्पादन समितिकाे बैठकमा पार्टी सभापति शेरबहादुर देउवाले मुलुकको तेस्रो राष्ट्रपतिका लागि बरिष्ठ नेता रामचन्द्र पौडेलको नाम प्रस्ताव गरेका छन् । बैठकले देउवाको साे प्रस्ताव अनुमोदन गरेकाे हाे ।
कांग्रेस-माओवादीसहित नवगठित आठ दलीय गठबन्धनमा कांग्रेसलाई राष्ट्रपति दिने सहमति बनेको थियाे । जसअनुसार राष्ट्रपतिमा कांग्रेसका उम्मेदवार तय गरेको हाे ।
राष्ट्रपतिको निर्वाचनका लागि आजै मनोनयन दर्ताको कार्यसूची छ ।
वि.सं.२०७९ फागुन १३ शनिवार १०:५१ मा प्रकाशित
