Sansar News
काठमाडौं । राष्ट्रिय प्रजातन्त्र पार्टी (राप्रपा) सरकारबाट बाहिरीएको छ ।
शनिबार बिहान बसेको सो पार्टीको केन्द्रीय कार्य सम्पादन समिति र संसदीय दलको संयुक्त बैठकले सरकारबाट बाहिरीने तथा सरकारलाई दिएको समर्थन फिर्ता लिने निर्णय गरेको प्रवक्ता मोहन श्रेष्ठले जानकारी दिएका छन् ।
‘हाल देखिएको सत्ता परिवर्तनको प्रवृत्ति र प्रक्रिया वर्तमान संविधानको संरचनमा निहित अस्थिरताको स्वभाविक चरित्र हो भन्ने हाम्रो ठहर छ,’ राप्रपाद्धारा जारी विज्ञप्तिमा उल्लेखछ ।
यसअघि पुष १० गते एमालेसहितको सातदलीय गठबन्धनमा सामेल भएर प्रधानमन्त्री पुष्पकमल दाहाल प्रचण्डलाई विश्वासको मत दिँदै सरकारमा समेत सहभागी भएको राप्रपाले शुक्रबारको आठ दलीय नयाँ राजनीतिक समिकरणपछि सरकारबाट बाहिरीने निर्णय गरेको हो ।
वि.सं.२०७९ फागुन १३ शनिवार १०:४८ मा प्रकाशित
