हामी सबैकाे संसारन्यूज

काठमाडौँ । ‘द टिबिसी बास्केटबल टुर्नामेन्ट २०२३’सम्पन्न भएको छ । सो टुर्नामेन्टको उपाधि जेभियर इन्टरनेशनल कलेज कालोपुलले जितेको छ । द ब्रिटिस कलेजले आयोजना गरेको उक्त टुर्नामेन्ट २६ फेब्रुअरीबाट सुरु भएको थियो । उक्त प्रतिस्पर्धामा विभिन्न २० कलेजले सहभागिता जनाएका थिए ।

‘द टिबिसी बास्केटबल टृर्नामेन्ट २०२३’ विजेताले नगद रु. ५० हजार र ट्रफि जितेको छ । त्यस्तै उपविजेताले नगद रु. २५ हजार र ट्रफि जितेको छ । उपविजेता हेराल्ड कलेज रहेको छ ।

उक्त प्रतिस्पर्धामा सर्वाधिक स्कोररको अवार्ड हेराल्ड कलेज काठमाडौँका तेन्जिन शेर्पाले जिते । उत्कृष्ट प्रशिक्षकको अवार्ड जेभियर इन्टरनेशनल कलेजका नृपेश श्रेष्ठले पाए । त्यस्तै उत्कृष्ट खेलाडीको अवार्ड जेभियर इन्टरनेशनल कलेजकै खेलाडी तेन्जिन भुटियाले जिते ।

उक्त टुर्नामेन्टको प्रायोजन होण्डा, हाइ कल्चर्ड, नेको इन्स्योरेन्स, ललितपुर हाइ, बयोधा हस्पिटल प्रा लि, द ग्रेट माया, लिजास क्याफे, हुप्स एण्ड मुभ्स रहेका थिए ।

मुख्य प्रायोजक भने ग्लोबल रिच कन्सलटेन्सी रहेको थियो ।