Sansar News
काठमाडौं । सरकार र महावीर पुनबीच सातबुँदे सहमति पत्रमा हस्ताक्षर भएको छ ।
विभिन्न ११ बुँदे माग राखी शुक्रबारदेखि माइतीघर मण्डलामा आन्दोलनरत राष्ट्रिय आविस्कार केन्द्रका प्रमुख पुन र सरकारबीच अनुसन्धान तथा विकास, नवप्रवर्तन र आविष्कारका लागि एकप्रतिशत रकम छुट्याउने लगायतका सातबुँदे सहमति पत्रमा हस्ताक्षर भएको हो ।
सोमबार भएको वार्तापछि उपप्रधानमन्त्री तथा रक्षामन्त्री पुर्णबहादुर खड्का र केन्द्रका अध्यक्ष पुनले सातबुँदे सहमतिपत्रमा हस्ताक्षर गरेका छन् ।
उक्त सहमतिसँगै डा. पुनको नेतृत्वमा भएको आन्दोलनका सबै कार्यक्रम अहिले नै अन्त्य गर्ने बताइएको छ ।
वि.सं.२०८० वैशाख १८ सोमवार २१:२९ मा प्रकाशित
