Sansar News
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेका चालक दिलबहादुर थापा (शम्भु) को उपचारका क्रममा मेडिसिटी अस्पतालमा निधन भएको छ ।
अस्पताल श्रोतका अनुसार भेन्टिलेटरमा राखेर उपचार गराइएका ३९ वर्षीय थापाको मंगलबार दिउँसो २ बजेतिर मृत्यु भएको हो । उनको आजै पशुपतिमा लगेर अन्त्येष्टि गरिने पनि बताइएको छ ।
चितवनको भरतपुर महानगरपालिका ११ मा रहेको एक घरमा लामिछानेसँगै सँगै बसेका ३९ वर्षीय चालक थापा बैशाख ४ गते राति सोहि घरको तीनतलाबाट खसेर गम्भीर घाईते भएका थिए ।
सभापति लामिछानेको चुनावी प्रचारमा सँगै रहेका थापा बैशाख ४ गते राति ४ बजेतिर तीनतलाबाट खसेका थिए ।
उनलाई तत्कालै चितवन मेडिकल कलेजमा उपचार गराइएपनि केहीदिनपछि हेलिकप्टरबाट काठमाडौं ल्याइएको थियो ।
थापा बसेको कोठाबाट रक्सीको बोतलहरु बरामद भएको थियो । रक्सी खाएको नसामा हिड्दा दुर्घटना भएको हुनसक्ने प्रारम्भिक अनुसन्धानमा देखिएको प्रहरीले जनाएको छ ।
वि.सं.२०८० वैशाख १९ मंगलवार १७:२३ मा प्रकाशित
