Sansar News
काठमाडौं । अमेरिकामा आफैले चलाएको कार दुर्घटनामा परि एक नेपाली महिलाको मृत्यु भएको छ ।
बिहीबार अमेरिकाको टेक्सासमा भएको उक्त दुर्घटनामा ४६ वर्षीया प्रमिला सुवेदीको मृत्यु भएको हो ।
छोरालाई विश्वविद्यालय पुर्याउन गएकी प्रमिलाको गाडीलाई फर्किने क्रममा रक्डेल सिटि नजिकै ट्रकले ठक्कर दिँदा उनको घटनास्थलमै मृत्यु भएको बताइएको छ ।
प्रमिला नेपाली कांग्रेसका नेता तथा पूर्वमन्त्री दीपकप्रकाश बाँस्कोटाकी छोरी तथा विवेकशील साझा पार्टीकी अध्यक्ष समीक्षा बाँस्कोटाकी दिदी हुन् ।
झण्डै दुई दशक देखि श्रीमान र दुई छोरासँग अमेरिका बस्दै आएकी प्रमिला गैरआवासीय नेपाली संघ (एनआरएनए आईसीसी) को अमेरिकाज क्षेत्रका क्षेत्रीय उपसंयोजक रामकुमार सुवेदीकी पत्नी हुन् ।
उनको निधनले अमेरिकाका नेपालीलाई स्तब्ध बनाएको भन्दै धेरैले सामाजिक संजालबाट दुःख व्यक्त गरेका छन् ।
वि.सं.२०८० वैशाख २३ शनिवार ०८:४२ मा प्रकाशित
