Sansar News
भुपाल बहादुर अधिकारी
बिराटनगर – ६, रामपुर
हुन्नौ तिमी मेरो त्यो घर साच्चै सडक हुन्छ
जीवन अझै बुझ्दै गएँ धेरै फरक हुन्छ
नौला नयाँ के के कुरा देखे हिजो अस्ति
आँखाहरु छल्ने कयौँ यस्ता चटक हुन्छ
तिम्रो मनै घुम्छन कतै राम्रा कुरा खोज्दै
गर्ने भए माया सधैं बेग्लै छनक हुन्छ
फूल्ने सबै ती फूलका बास्ना कहाँ होला
त्यो प्यारमा पर्दा तिमी छुट्टै महक हुन्छ
आँए भयो बाटो भुली जानेहरू फेरि
फोटोहरु देख्दा सधैं तिम्रो झलक हुन्छ
बहर : रजज महजुज
अर्कान :२२१२ २२१२ २२१२ २२
वि.सं.२०८० वैशाख २३ शनिवार ०८:५० मा प्रकाशित
