हामी सबैकाे संसारन्यूज

वसन्त अनुभव, वसन्तविहार

१
रिमझिम झरी पर्‍यो
भयो हरियाली चारैतिर
प्रकृतिले कोख भर्‍यो।

२
अविरल वर्षा भयो
लागे खेतमा बालीनाली
दुःख मनको गयो।

३
शिवजीलाई जल चढाएँ
साउने पावन मेलामा
श्रद्धा अधिकतम बढाएँ।

४
हातैमा हरियो चुरा
गाढा मेहन्दी लगाएर
रहर बनाऔँ पूरा।

५
बस्तीमा बाढी पस्यो
गरिबको सानो झुपडी
पहिरोले मुनि धस्यो।

६
साउनको ठूलो झरी
बनेर आउनेछ सहकाल
हटाउनेछ अवश्य भोकमरी।

७
हिलाम्मे भए बाटो
यात्रा भयो अवरुद्ध
भत्किई जाँदा माटो ।

८
उर्लिइँदा साउने खोला
कति कोख रित्तिए
कतिको मेटियो चोला ।

९
जताततै भयो हरियाली
रुखविरुवा घाँस पलाउँदा
कतै रहेन खाली ।

१०
असारे साउने विकास
हुन्छ धमाधम यतिबेला
कहिले पाउँला निकास ।