Sansar News
भूपाल अधिकारी, विराटनगर
सत्यवादी खुब जहाँ लाचार हुन्छ
धुन्धुकारीको त्यहाँ जयकार हुन्छ
पाउलान् पीडितले साँच्चै न्याय कसरी
उच्च पदमा चोरको सरदार हुन्छ
वेदना होला त्यही मनमा हमेसा
जुन हृदयमा दुःखको भण्डार हुन्छ
प्रायःजसले बोक्छ हिंसात्मक इरादा
हातमा त्यसको सधैँ हतियार हुन्छ
सोच मानिसको छ जस्तो देख्छ त्यस्तै
धारणा अनुसारकै संसार हुन्छ
बहर: रमल मुसद्दस सालिम
अर्कान : फाइलातुन् , फाइलातुन् , फाइलातुन्
वजन : २१२२ – २१२२ – २१२२
काफिया : आर
रदिफ : हुन्छ
अभ्यास ; परिश्रमी पाठशाला
वि.सं.२०८३ साउन ३० शनिवार ०७:०६ मा प्रकाशित
