Sansar News
अरुण खड्का, कीर्तिपुर , काठमाडौँ
दिल निकै पग्लियो के भयो यस्तो
चाहना पोखियो के भयो यस्तो
दुख्न थाल्यो हृदय बेसरी आज
घाउ झन् बल्झियो के भयो यस्तो
तिक्ततामा डुबेको हृदय फेरि
हर्षले फुर्कियो के भयो यस्तो
हाँस्न खोज्दै थिए यी अधर मेरा
आँसु पो बर्सियो के भयो यस्तो
जादु उनको चल्यो दिल भयो चञ्चल
मन मेरो भाँडियो के भयो यस्तो
बहर : मुतकारिब मुतदारिक मक्तुअ
अर्कान : फाइलुन् फाइलुन् फाइलुन् फैलुन्
वजन : २१२ – २१२ – २१२ – २२
काफिया : इयो
रदीफ : के भयो यस्तो
अभ्यास : हाम्रो गजल पाठशाला
वि.सं.२०८३ साउन ३० शनिवार ०७:०७ मा प्रकाशित
