हामी सबैकाे संसारन्यूज

काठमाडौं । परीक्षा दिइरहेको अवस्थामा शिक्षकले निकालिदिएपछि एक विद्यार्थीले आत्महत्या गरेकी छन् ।

बुधबार चितवन मेडिकल कलेजमा बीडिएस चौथो वर्ष पहिलो सत्रको परीक्षा दिइरहेको अवस्थामा शिक्षकले जर्बजस्ती परीक्षा हलबाट निकालिदिएपछि सिम्रन थापाले आफनै कोठामा झुण्डिएर आत्महत्या गरेकी हुन् ।

‘चितवन मेडिकल कलेजमा बिडिएस चौथो वर्षको पहिलो सत्रकी विद्यार्थी सिम्रन थापाले आन्तरिक परीक्षा दिइरहेका बेला परीक्षा हलबाट सो परीक्षामा सम्मिलित शिक्षकले जर्बजस्ती मानसिक तनाव दिइ निकालेको र तत् पश्चात उनले आफ्नै कोठामा गई आत्महत्या गरेको हुँदा दोषीलाई छानबिन गरी कडाभन्दा कडा कारबाहीको माग गर्दछौं ।’ चितवन मेडिकल कलेजका विद्यार्थी संघर्ष समितिद्वारा जारी बिज्ञप्तिमा भनिएको छ ।

संघर्ष समितिले दोषीलाई कारबाही र पीडितलाई न्याय नदिएसम्म चितवन मेडिकल कलेजको सम्पूर्ण ओपिडी सेवा अनिश्चित कालका लागि बन्द रहेको र यसबाट बिरामीमा पर्न गएको असुविधाप्रति क्षमापार्थी रहेको बताएका छन् ।