Sansar News
काठमाडौं । नागरिक उन्मुक्ति पार्टीका संस्थापक अध्यक्ष रेशम चौधरीले टिकापुर हत्याकाण्डका पीडित परिवारको न्यायका लागि आफुले सघाउने बताएका छन् ।
टिकापुर हत्याकाण्डको आरोपमा जेल जीवन वितारइरहेका चौधरीले गणतन्त्र दिवसका अवसरमा राष्ट्रपति रामचन्द्र पौडेलबाट आममाफी पाएपछि आज कारगारबाट बाहिरीने क्रममा सो कुरा बताएका हुन् ।
डिल्लीबजार कारागारबाट सोमबार बिहान छुटेका चौधरीले टिकापुर हत्याकाण्ड बारे पीडितका परिवारले घटनाका बारेमा अन्तिम सत्य थाहा पाउनुपर्ने बताउदै उनले भने, –उहाँहरुको लागि लडिदिनु हाम्रो पनि नैतिक दायित्व हो । उहाँहरुले सोचेको जस्तो यो घटना हो कि होइन, अन्तिम सत्य थाहा पाउनुपर्छ ।’
उनले टिकापुर घटनाबारे लाल आयोगको प्रतिवेदन सार्वजनिक हुनुपर्ने बताउँदै त्यसका लागि सरकारले पुनः उच्चस्तरीय समिति गठन गर्नुपर्ने समेत बताएका थिए ।
वि.सं.२०८० जेठ १५ सोमवार ०९:०९ मा प्रकाशित
