हामी सबैकाे संसारन्यूज

काठमाडौं । प्रधानामन्त्री कार्यालय मातहतको सार्वजनिक खरिद अनुगमन कार्यालयले १६ ठेकेदार कम्पनीलाई सातदिनभित्र स्पष्टीकरण दिन निर्देशन गरेको छ ।

कार्यालयले बुधबार एक सूचना जारी गर्दै कार्यसम्पादन चित्तबुझ्दो नभएको भन्दै १६ ठेकदार कम्पनी र एक आपूर्तिकर्तालाई सातदिन भित्र लिखित स्पष्टीकरण बुझाउन निर्देशन दिएको हो ।

‘तपसिलका निर्माण व्यवसायी÷आपूर्ति कर्ताहरुले कालो सूचीमा राख्न तपसिलका सार्वजनिक निकायहरुबाट लेखी आएकोले कालो सूचीमा राख्न नपर्ने आधार प्रमाण भए सूचना प्राप्त भएको मितिले ३० (तीस) दिनभित्र यस कार्यालयमा लिखित स्पष्टीकरण पेश गर्न भनि निजहरुको ठेगानामा सूचना पठाइएकोमा हालसम्म पनि लिखित स्पष्टीकरण पेस हुन नआएकोले यो सूचना प्रकाशन गरिएको छ ।’ सूचनामा भनिएको छ ।

कार्यालयले राजन गौतम मु्ख्य व्यक्ति रहेको श्री नयाँ निर्माण सेवा भरतपुर चितवन, राज बहादुर झा मुख्य व्यक्ति रहेको श्री नव निर्माण विल्डर्स प्रा.लि जनकपुर लगायतका १६ कम्पनीलाई सातदिने लिखित स्पष्टीकरण सोधेको हो ।