Sansar News
काठमाडौं । नेकपा एमालेले पार्टीका जिम्मेवार नेताहरुले दोहोरो पदको भूमिकामा बस्न नपाउने निर्णय गरेको छ ।
सोमबार बसेको पार्टीको २३ औं सचिवालय बैठकले पार्टीको एक प्रमुख जिम्मेवारीको मान्यता अनुसार सांसद, स्थानीय तहको प्रमुख/उपप्रमुख नेताहरुले पार्टीको अध्यक्ष तथा सचिव लगायतका दोहोरो पदको भूमिकामा बस्न नपाउने निर्णय गरेको हो ।
बैठकले संघ तथा प्रदेश सांसद, स्थानीय तहका प्रमुख र उपप्रमुख तथा वडा अध्यक्षहरुले पार्टीको अध्यक्ष तथा सचिव तहको पदमा चुनिन नपाउने निर्णय गरेको पार्टीका उपमहासचिव विष्णु रिमालले बताए ।
‘यो केन्द्रदेखि स्थानीयतहसम्म नै लागू हुन्छ । आगामी अधिवेशनदेखि केन्द्रदेखि जिल्ला तथा स्थानीयतसम्म यो निर्णय लागूहुन्छ ।’ उपमहासचिव रिमालले संसारन्युजसँग भने ।
कसैले दोहोरो जिम्मेवारी पाउने तथा कसैले पद नै नपाउने अवस्था भएकोले स्थानीय तहका प्रमुख/उपप्रमुख तथा वडाध्यक्ष पदमा रहेकाहरुले पार्टीको अध्यक्ष तथा सचिवमा उम्मेदवारी दिन नपाउने व्यवस्था गर्ने निर्णय गरेको बताइएको छ ।
त्यस्तै बैठकले साउन १५ गतेसम्म पार्टीको सदस्यता नविकरण गर्ने समय थपेको छ । यसअघि असार १५ गतेभित्र सदस्यता नविकरण गराइसक्नुपर्ने अपानि जारी गरेको सो पार्टीले साउन १५ गतेसम्म्का लागि समयसीमा थप गरेको हो ।
वि.सं.२०८० साउन १ सोमवार २१:२४ मा प्रकाशित
