Sansar News
काठमाडौं । प्रधानमन्त्री पुष्पकमल दाहाल ‘प्रचण्ड’ आज गोरखा जाँदै छन् । प्रधानमन्त्री दाहाल बुढीगण्डकी जलासययुक्त जलविद्युत आयोजनाको फिल्ड कार्यालय उदघाटन कार्यक्रमका लागि गोरखा जान लागेका हुन् ।
प्रधानमन्त्री दाहाल बिहान ११ बजेपछि गोरखा प्रस्थान गर्ने कार्यक्रम रहेको उनको सचिवालयले जनाएको छ । त्यसअघि प्रधानमन्त्री दाहालले प्रज्ञा भवन कमलादीमा आयोजित एक कार्यक्रमलाई सम्बोधन गर्ने बताइएको छ ।
पत्नी सीता दाहालको निधनपछि प्रधानमन्त्री दाहाल पहिलोपटक सार्वजनिक कार्यक्रममा सहभागी हुन लागेका हुन् । गत असार २७ गते प्रचण्ड पत्नी सीता दाहालको निधन भएको थियो । त्यसयता प्रधानमन्त्री दाहाल सार्वजनिक कार्यक्रममा सहभागी भएका थिएनन् ।
फाइल फोटो
वि.सं.२०८० साउन ३ बुधवार ०८:१७ मा प्रकाशित
