Sansar News
काठमाडौं । सुन तस्करी प्रकरणमा चिनियाँ नागरिक पक्राउ परेका छन् । चीन उड्न लागेका ३६ वर्षिय जेक्यूयाङ लिनलाई अध्यागमनका अध्यागमनले बिहीबार नियन्त्रणमा लिएको हो ।
जेक्यूयाङ सात महिनाअघि नेपाल आएको खुलेको छ । नेपालमा बसेर उनले सुन तस्करीको धन्दा चलाएको आशंका छ ।
राजस्व अनुसन्धान विभागले बुधबार ठूलो परिमाणमा सुन बरामद गरेको थियो । सो सुनका मालिक उनी रहेको आंशका विभागले गरेको छ ।
बुधवार साँझ विमानस्थल भन्सार कार्यालय बाहिरबाट बरामद करिब १ सय किलो सुन बरामत भएको थियो । हङकङबाट आएको स्कुटरको ब्रेक सु भन्दै भित्राइएको करिब एक सय किलो सुन राजस्व अनुसन्धान विभागले सिनामंगलबाट नियन्त्रणमा लिएको थियो ।
उक्त सुन ल्याउने र ओसारपसार गर्ने कार्यमा संलग्न भएको आरोपमा भन्सार एजेन्टसहित ६ जना यसअघि पक्राउ परिसकेका छन् ।
वि.सं.२०८० साउन ४ बिहीवार १७:३५ मा प्रकाशित
