Sansar News
घोराही । दाङमा ट्रक दुर्घटना हुँदा दुई जना घाइते भएका छन् । लमही–घोराही सडक खण्डको चौपट्टा नजिक शनिबार करिब १२ बजेतिर ना. ४ ख ८४८७ नम्बरको ट्रक दुर्घटना हुँदा ट्रकमा सवार दुई यात्रु घाइते भएका हुन् ।
लमही नगरपालिका-२ बस्ने बर्ष १८ कि रबिना चौधरी र सोही ठाउँकी १६ वर्षकी करुणा चौधरी घाइते भएको जिल्ला प्रहरी कार्यालय दाङले जनाएको छ ।
घोराही उपमहानगरपालिका वडा नम्बर ३ को भैँसी बगाउने खोला नजिक घोराही तर्फआउदै गरेको ट्रक उकालोमा टायर पञ्चर भई रोक्ने क्रममा ब्रेकफेल भई सडकबाट तल खोल्सामा खसेको प्रहरीले जनाएको छ ।
तस्बिर :सुशीला ओली/रासस
वि.सं.२०८० साउन १३ शनिवार १५:५९ मा प्रकाशित
