हामी सबैकाे संसारन्यूज

काठमाडौं । अभिनेता सानु ताम्राकारको उपचारका क्रममा निधन भएको छ ।

मिर्गौला रोगका कारण नर्भिक अस्पतालमा २८ दिनदेखि भर्ना भएर उपचार गराइरहेका ताम्राकारको शनिबार दिउँसो ३ः२० मा निधन भएको हो ।

चलचित्र कलाकार संघका अध्यक्ष मोहन निरौलाका अनुसार ७४ वर्षीय ताम्राकार २८ दिनदेखि मिर्गौला रोगको उपचार गराइरहेका थिए ।

उनको पार्थिव शरीरलाई आइतबार पशुपतिको आर्यघाटमा दाहसंस्कार गर्ने तयारी रहेको पनि अध्यक्ष निरौलाले बताएका छन् ।

असार २१ गते छोरा सारुक ताम्राकारको निधन भएपछि शोकमा परेका ताम्राकार पछिल्ला समय मिर्गौलाको समस्या बढेपछि अस्पतालमा भर्ना भएर उपचार गराइरहेका थिए ।