हामी सबैकाे संसारन्यूज

काठमाडौं । वीर अस्पतालको छैटौं तलाबाट हाम फालेर एक व्यक्तिको मृत्यु भएको छ ।

वीर अस्पतालका सूचना अधिकारी सागर मिश्रका अनुसार सर्जिकल भवनको तलाबाट अन्दाजी ४० वर्षीय पुरुषले हाम फालेर मृत्यु भएको हो ।

विरामीको आफन्त हुँ भन्दै उनी बिहान २–३ बजेको समयमा वीर अस्पतालभित्र पसेको र सरासर छैटौं तलामा पुगेर हाम फालेको मिश्रले जानकारी दिएका छन् । मिश्रका अनुसार उनी वीर अस्पतालमा उपचार गराउन आएको तथा विरामीका कुनै आफन्त नभएको पत्ता लागेको छ ।
अहिलेसम्म उनको शव अस्पतालमै वेवारिसे अवस्थामा रहेको र उनलाई ‘हाम्रो मान्छे हो’ भनेर कोही पनि आफन्त नआएको मिश्रले जानकारी दिएका छन् ।