Sansar News
काठमाडौँ । असोज ८ गते देखि हिमालय टेलिभिजनबाट प्रशारण हुने गरी घरेलु हिंसामा आधारित सीता टेलिसिरियलको ट्रेलर सार्वजनिक भएको छ ।
यस सिरियलको लेखन तथा निर्देशन सहिन प्रजापतिले गरेका हुन् ।
आरटि इन्टरटेन्मेन्ट मार्फत सार्वजनिक ट्रेलरमा गरिबिको पिडा, महिला माथिको विभेद, शिक्षाबाट बञ्चित चेलिको अवस्था र सामाजिक समस्याहरुलाई मुख्य रुपमा उठान गरिएको छ । सीता नाम दिएर सिरियलमा विम्बको रुपमा प्रस्तुत गरिएको हो । सीताको भूमिकामा सुनिसा बजगाईँले सशक्त अभिनय गरेकि छिन ।
लेखक प्रजापतिको पनि सीता सिरियलमा अभिनय हेर्न सकिन्छ । त्यस्तै बालकृष्ण ओलिले सिताको जड्याहा श्रीमानको भूमिका निभाएका छन् भने ट्रेलरमा राजु भुजु, सविता गुरुङ, तारा केसि, आरके मानन्धर, बासु खनाल, उत्तम आचार्य लगायतको मुख्य भुमिका देख्न सकिन्छ ।
सिता सिरियलले दर्शाको मन जित्ने कुरामा निर्माण टोलि ढुक्क छन् । ८ बजे हिमालय टेलिभिजनबाट प्रशारण भएपछि ८ः३० मा आरटि इन्टरटेन्मेन्ट युट्युब च्यानलमा प्रत्येक मंगलबार सिता सिरियल हेर्न सकिनेछ ।
वि.सं.२०८० असोज ३ बुधवार १३:०६ मा प्रकाशित
