हामी सबैकाे संसारन्यूज

काठमाडौं । नेपालले चीनलाई एक जोडी एक सिङ्गे गैडा उपहार दिने भएको छ । प्रधानमन्त्री पुष्पकमल दाहाल ‘प्रचण्ड’को चीन भ्रमणको क्रममा यसबारे सम्झौता भएको हो ।

नेपालका प्रधानमन्त्री ‘प्रचण्ड’ र उनका चिनियाँ समकक्षी प्रधानमन्त्री लि छ्याङद्वारा जारी संयुक्त बक्तब्यमा नेपालले चीनलाई उपहारको रुपमा एक सिङ्गे गैडा दिने उल्लेख छ ।

दुई देशबीचको दिगो मित्रताको प्रतीकका रूपमा नेपाली पक्षले चिनियाँ पक्षलाई नेपाल सरकार र जनताको तर्फबाट चिनियाँ सरकार र जनतालाई उपहारस्वरूप एक सिङ्गे गैडाको जोडी उपलब्ध गराउने उल्लेख छ ।

त्यस्तै चिनियाँ पक्ष र नेपाली पक्षबीच याक, नाक र च्याङग्रा आदानप्रदान गर्ने समझदारी भएको छ । प्रजननको लागि चिनियाँ पक्षले नेपाललाई याक, नाक र च्याङग्रा दिने संयुक्त बक्तब्यमा उल्लेख गरिएको छ ।