Sansar News
काठमाडौं । दैलेखमा टिपर दुर्घटना हुँदा एक जनाको मृत्यु भएको छ । दुर्घटनामा दुई जना घाइते भएका छन् । मृत्यु हुनेमा दुल्लु नगरपालिका-७ घर भएका ३३ वर्षीय टिपर चालक भुपेन्द्र थापा रहेका छन् ।
तल्लो डुंगेश्वर-दुल्लु सडक खण्डको दुल्लु नगरपालिका-१ टिमेली पानीमा टिपर दुर्घटनामा परेको प्रहरीले जनाएको छ ।
सोमबार राती करिव ८ बजेतिर तल्लो डुङ्गेश्वरबाट बालुवा लिएर दुल्लु जाँदै गरेको कर्णाली प्रदेश ०२००१ क १९९ नम्बर टिपर सडकबाट अन्दाजी एक सय मिटर तल खसेको इलाका प्रहरी कार्यालय दुल्लुले जनाएको छ ।
टिपरमा सवार अन्य दुई जना घाइते छन् । घाइते हुनेमा दुल्लु नगरपालिका-७ का ३५ वर्षीय चन्द्रबहादुर थापा र ऐरावती गाउँपालिका प्युठान घर भएका ३० वर्षीय मुक्तप्रसाद उपाध्याय रहेका छन्।
उनीहरुलाई थप उपचारको लागि दुल्लु अस्पतालले गएराती नै प्रदेश अस्पताल सुर्खेत रिफर गरेको छ।
घटना लगत्तै प्रहरी चौकी तल्लो डुंगेश्वर र ईलाका प्रहरी कार्यालय दुल्लुको टोली घटनास्थल पुगेर घाइतेहरुको उद्दार गरेको थियो ।
वि.सं.२०८० असोज १६ मंगलवार १२:०५ मा प्रकाशित
