हामी सबैकाे संसारन्यूज

काठमाडौं । गैरआवासीय नेपाली संघ (एनआरएनए) को ११ औं अधिवेशन तथा विश्व सम्मेलन आजदेखि सुरु हुँदैछ ।

काठमाडौंको सोल्टी होटलमा आयोजना हुन लागेको उक्त सम्मेलनको उद्घाटन राष्ट्रपति रामचन्द्र पौडेलले गर्ने बताइएको छ ।

प्रत्येक २/२ वर्षमा अधिवेशनमार्फत् नयाँ नेतृत्व चयन गर्दै आएको एनआरएनएको नेतृत्व लिन यसपटक पाँच जनाले अध्यक्ष पदमा आफ्नो उम्मेदवारी मनोनयन दर्ता गरेका छन् ।

उक्त अधिवेशनमा वर्तमान अध्यक्षद्धय रविना थापा (अमेरिका) डा. बद्री केसी (रसिया), हालका उपाध्यक्ष आरके शर्मा (कतार), महेश श्रेष्ठ (जापान) र उपमहासचिव विनय अधिकारीले अध्यक्ष पदमा आफ्नो दावी गरेका छन् ।

अधिवेशनमा केसी, शर्मा र श्रेष्ठले प्यानलै बनाएर उम्मेदवारी घोषणा गरेका छन् । विश्वभरीबाट झण्डै चार हजार अभियन्ता सहभागी हुने उक्त सम्मेलनमा सरकारका प्रतिनिधि, एनआरएनए एनसीसीका पदाधिकारी, एनआरएनए अभियन्ता लगायतको उपस्थिति रहने एनआरएनएले जनाएको छ ।