हामी सबैकाे संसारन्यूज

काठमाडौं । कोशी प्रदेशका मुख्यमन्त्री केदार कार्कीले आज विश्वासको मत लिदैछन् ।

नेकपा एमालेको समर्थनमा एकसाता अघि मुख्यमन्त्रीमा नियुक्त भएका कार्कीले आज दिउँसो १ बजे बस्ने प्रदेश सभाको बैठकबाट विश्वासको मत लिन लागेका हुन् ।

मंगलबार बसेको कार्यव्यवस्था परामर्श समितिको बैठकले आजको प्रदेश सभा बैठकमा मुख्यमन्त्री कार्कीले विश्वासको मत लिने कार्यसूची तय गरेको हो ।

नेपाली कांग्रेसका नेता शेखर कोइराला समुहका कार्की एमालेको समर्थनमा मुख्यमन्त्रीमा नियुक्त भए पनि विश्वासको मत लिने क्रममा नेपाली कांग्रेस, नेकपा एमाले, नेकपा माओवादी केन्द्र र एकिकृत समाजवादीका सांसदले साथ दिने बताइएको छ ।

यसअघि विना विभागीय दुई मन्त्रीसहित तीन सदस्यीय मन्त्रिपपरिषद् विस्तार गरेका कार्कीले आजै विश्वासको मत दिने सबै दलको प्रतिनिधित्व रहने गरी मन्त्रिमण्डल विस्तार गर्ने बताइएको छ ।