Sansar News
मान्म (कालीकोट) । कालिकोटमा सुत्केरीको हेलिकप्टरबाट उद्धार गरिएको छ । पलाँता गाउँपालिका–६ उखाडीकी ३५ वर्षीया रिउली रोकायाको बुधवार हेलिकप्टरमा उद्धार गरिएको हो ।
मङ्गलबारदेखि सुत्केरी व्यथाले च्यापेकी रिउलीलाई आफन्तले पलाँता गाउँपालिकास्थित नेटा स्वास्थ्य चौकी पु¥याएका थिए । सुत्केरी हुन नसक्दा उनलाई हेलिकप्टरबाट कर्णाली प्रदेश अस्पताल सुर्खेत लगिएको पालिकाका स्वास्थ्य संयोजक धनप्रसाद न्यौपाने बताए । “रिउलीले सुर्खेतमा छोरालाई जन्मदिनुभएको छ”, उनले भने ।
सुत्केरी रिउलीको नेटामा उपचार सम्भव नभएको खबर पाएपछि प्रमुख जिल्ला अधिकारीमार्फत हेलिकप्टर मगाएर सुर्खेत पठाएको पलाँता गाउँपालिकाका अध्यक्ष विष्णुबहादुर रोकायाले बताए ।
रासस/फाइल फोटो
वि.सं.२०८० माघ २५ बिहीवार ०७:४१ मा प्रकाशित
